கிழக்கு மாகாணத்தில் ஆரம்பக் கல்வி ஆசிரியர்களினால் தயாரிக்கப்பட்ட கற்றல் கற்பித்தல் உபகரணக் கண்காட்சி
கிழக்கு மாகாண ஆரம்பக் கல்வி ஆசிரியர்களினால் தயாரிக்கப்பட்ட கற்றல் கற்பித்தல் உபகரணங்களைக் காட்சிப்படுத்தலும் இது தொடர்பான போட்டியில் வெற்றி பெற்றவர்களுக்கான பரிசளிப்பு நிகழ்வும் மற்றும் வீட்டை அடிப்படையாகக் கொண்ட கற்றல் கையேடு உத்தியோக பூர்வமாக வலயங்களுக்கு கையளிக்கும் நிகழ்வும் 12.01.2022 இல் மட்டக்களப்பு ஆசிரியர் வாண்மை விருத்தி நிலையத்தில் நடைபெற்றது.
இந் நிகழ்வானது கிழக்கு மாகாணக் கல்விப் பணிப்பாளர் திருமதி. நகுலேஸ்வரி - புள்ளநாயகம் அவர்களின் வழிகாட்டலின் கீழ் கிழக்கு மாகாண ஆரம்பக் கல்வி உதவிக் கல்விப் பணிப்பாளர் திரு.தி.பார்த்தீபன் ஒழுங்கமைப்பில் நடைபெற்றது. இக் கண்காட்சியினை பிரதம அதியாக நிகழ்வில் கலந்து கொண்ட இலங்கைக்கான யுனிசெவ் வதிவிடப் பிரதிநிதி கிறிஸ்டியன் ஸ்கூக் அவர்கள் திறந்து வைத்தார்.
இந் நிகழ்வில் பிரதம அதியாக இலங்கைக்கான யுனிசெவ் வதிவிடப் பிரதிநிதி கிறிஸ்டியன் ஸ்கூக் அவர்களுடன் லூசி மொரிரா டானியல்ஸ், றிபென்ஸியா பற்றர்சன், நிபால் அலாவுதீன், ஆகிய யுனிசெவ் அதிகாரிகளும், கிழக்கு மாகாண மேலதிக மாகாணக் கல்விப் பணிப்பாளர், வலயக் கல்விப் பணிப்பாளர்கள், பிரதிக் கல்விப் பணிப்பாளர்கள், உதவிக் கல்விப் பணிப்பாளர்கள், சேவைக்கால ஆசிரிய ஆலோசகர்கள், ஆசிரியர்கள் எனப் பலர் கலந்து கொண்டனர்.
இந் நிகழ்வில் கற்றல் - கற்பித்தல் உபகரணங்களை தயாரிக்கும் போட்டியில் பங்கேற்று வெற்றி பெற்ற ஆசிரியர்களுக்கான நினைவுச் சின்னங்களும், நற்சான்றிதழும் வழங்கி வைக்கப்பட்டதுடன். வீட்டை அடிப்படையாகக் கொண்ட கற்றல் கையேடு உத்தியோக பூர்வமாக வலயங்களுக்கு கையளிக்கும் நிகழ்வும் இடம்பெற்றது. இந் நிகழ்வின் தொழிநுட்பம் மற்றும் நிதியனுசரணையாளராக யுனிசெவ் நிறுவனம் இயங்குகின்றமை குறிப்பிடத்தக்கது.
பிந்திய செய்திகள்
அக்கரப்பத்தனையில் ஒரே நாளில் மூன்று கோவில்கள் கொள்ளையடிக்கப்பட்டுள்ளன.
க.பொ.த உயர்தரப் பரீட்சைக்குத் தோற்றும் 'கொவிட்' வைரஸால் பாதிக்கப்பட்ட மாணவர்களுக்காக ஒவ்வொரு மாவட்டத்திலும் உள்ள வைத்தியசாலைகளில் பரீட்சை நிலையங்கள
மரக்கறிகளின் விலை குறைந்துள்ளதாக வர்த்தகத்துறை அமைச்சர் பந்துல குணவர்த்தன தெரிவித்துள்ளார்.
ஒமிக்ரோன் பிறழ்வால் நாட்டில் ஐந்தாவது கொரோனா அலை உருவாகும் அபாயம் இருப்பதாக அரச மருத்துவ அதிகாரிகள் சங்கம் (GMOA) எச்சரித்துள்ளது.
இலக்கம் 78A, ஒலுவில் வீதி, அட்டாளைச்சேனை-8 எனும் முகவரியில் உள்ள பொறியியலாராக கடமையாற்றி வரும் அப்துல் மனாப் மபாயிஸ் என்பவரது இல்லத்திற்கு செவ்வாய்
நாட்டில் இன்று பிற்பகல் 4 மணிக்கு பின்னர் மின்சார துண்டிப்பு இடம் பெறும் என இலங்கை மின்சார பொறியியலாளர் சங்கம் தெரிவித் துள்ளது.
எதிர்காலத்தில் வாகன இறக்குமதிக்கு அனுமதி வழங்கவுள்ளதாக ஜனாதிபதி கோட்டாபய ராஜபக்ஷ தெரிவித்துள்ளார்.
கிழக்கு மற்றும் ஊவா மாகாணங்களிலும் மாத்தளை மற்றும் பொலன்னறுவை மாவட்டங்களிலும் பல தடவைகள் மழை பெய்யும் என எதிர்பார்க்கப்படுகின்றது.
மட்டக்களப்பு வாகரை காயான்கேணி கடலில் மீன் பிடிக்கச் சென்ற தந்தையும் மகனும் சடலமாக மீட்கப்பட்டுள்ளதாக வாகரை பொலிசார் தெரிவித்தனர்.